Mugarik gabeko musika izan liteke Txingudi Badia bikain honetan, Euskal Herrian, aurten bere 5. urtemuga ospatuko duen musika tradizionalen jaialdi honen beste izena; jaialdi honetan kulturak elkartu eta nahasten dira Atlantikoko eta Bidasoako urak bezalaxe... Gero eta ikusmin handiagoa pizten duen ekitaldi honek hiru hiriei, Irun, Hendaia eta Hondarribiari, aukera ematen die, musikaren eta elkar ezagutzaren bidez, bereizten dituen muga hori ahazteko, eta puntu komun baten inguruan biltzeko, euskal kulturaren inguruan, alegia. Euskal kultura hori izango da elkartzeko ardatza, lau egunetan zehar jendea urrutiko lurretan barrena eramango duen bidaia egiteko abiapuntua, tradizioen puzzle handi horren barnean beren pieza, bakoitzak bere erara, eskaintzera datozen artista horien lurraldeetan barrena, hain zuzen ere… Aurtengoan, dudarik gabe, ekitaldi nagusia Eliades Ochoa Kubako gitarra jole ospetsuaren kontzertua izanen dugu, baina Kurdistan, Mediterraneoa, Quebec, Eskozia, Portugal eta Vaskoniako lurraldeetan zehar eramanen zaituztegu ere bai. Ibilbide hori gurekin egitera gonbidatuak zaudete guztiak. Beren jatorrizko lurraldeetatik gurera datozen artista guztiei, eta haiei entzutera, eta benetan musikak mugarik ez duela ikustera datozen guztiei ere: ONGI ETORRI BIDASOAFOLK musika tradizionalen jaialdiaren bostgarren edizio honetara.