Bizkaiko itsasoaren ertzean eta Bidasoa ibaiaren bokalean daude Irun, Hendaia eta Hondarribia, geografia eta kultur hurbiltasunak elkartutako hiru hiri, eta BIDASOAFOLK izeneko musika tradizionalen jaialdi jaioberri hau aurkezten dute munduko musiken aldeko apustu gisa, kultura tradizional biziak aurkeztu nahian, eta gainera, Euskal Herriaren kultur ondare aberatsari balioa eman, eta hurbileko herrien artean komunikazioa erraztuz.

Junkal Eliza zaharraren itzalean, Irunen, portuan dauden itsasontzien itzalean Hendaian eta alde zaharreko kale estu eta harresien itzalean Hondarribian, musika tradizionalen hiru kontzertu egingo dira turista ugari etortzen den garai batean. Kontzertu horietan kalitate handiko ikuskizunetan parte hartu eta gozatzeko aukera izango du jendeak, inguru ezin ederragoan, Txingudiko badiako hiru eszenatokitan.Bidasoa-Txingudi eskualdeak gaitasun izugarria du eskualde hori eta bertan egiten diren kultur ekitaldi garrantzitsuak ezagutzeko interesa duen jendea erakartzeko.Hiru kontzertu horiek erabat doan izango dira, eta musika hori ezagutzen ez duen jendeak ezagutzeko eta kulturen bategitea baloratzeko aukera izango du.